Sheria ya usalama barabarani

kama ni sheria bora duniani ni usalama barabarani.Sheria hii ya usalama barabarani ikifuatwa itasaidia sana.Lakini nchi yetu ubabaishaji mtupu kwa mfano gari la abiria tsh 400/= ila kwa sababu tu usafiri ni tabu mtalipa buku.Sawa kwa wakati huu usafiri ni mgumu utakuta watu wenye magari binafsi sio ya abiria wanakupiga kutoka 600 mpaka 2000 utafanyaje na sisi ndo wenye shida tunalipa ila sheria haijafanya kazi yake.Sio siri inaumiza sana maisha yenyewe bongo yako wapi wenye nacho watazidi kuwa nacho tu sisi wengine tutaendelea kusanda.

Si sahihi

Mtazamo huu si sawa eti ukiongea ukweli utachukiwa.Hii aileti maana kwasababu tukikubaliana hivyo basi inamaana watu wanapenda kudanganywa.Msemo huu unatumika pale tu kunapo kuwa na maslahi ya watu alafu useme kweli hapo watu hao lazime wakuchue na siyo wanakuchukia kwa kusema ukweli bali  kwasababu utawahatarishia maslahi yao.Huu ndo ukweli wenyewe utaupata hapahapa tu.

Mtazamo tu

Nchi yetu sasa si nchi ile ya mwaka 47.Kwasasa Viongozi wanatakiwa wakipewa wizara basi ilingane na taaluma yake hii itasaidia utendaji bora.Huu si wakati wa ujanja ujanja hata kama unafanyika ila mwisho wake upo tu.Unapopewa dhamana na wananchi basi wajibika mbona rahisi tu.Fanya vizuri nawe ukumbukwe kama Nyerere hata kama upendi ivyo basi fanya kwasababu Mungu anaona ambavyo binadamu hawezi ona.

Freemason

Watu wengi wanaongea kuhusu freemason ila wengi hatujui ni nini?.Wapo wanasema freemason ni dini.Yawezekana ikawa ni dini ila kwa nilivyo chunguza Freemason kwa kiswahili maana yake ni Mjenzi huru.Maana yake kuna uhuru wa kuanzisha unachokitaka yaani kujenga.Jumuiya hii ni yasiri ndo maana kwa nchi za afrika haijulikani sana kama nchi za ulimwengu wa kwanza.Kiukweli jumuiya hii ni hatari sana kwa mwanadamu maana malengo yake si mazuri kwa mwanadamu.Huu ni ujanja wa shetani wa kumpa uwezo mwanadamu ili amdanganye ili waende pamoja motoni(ziwa la moto).Muovu huyu akaacha kiti chake na kumpa mwanadamu kiti hicho ili kufanya lolote amdanganye binadamu huyu.Freemason hawa wanaamini kuwa kuna nguvu ipo tu kiasili(supreme being) huyu ndo shetani kapotosha badala ya kuamini Mungu anapotosha kwamba yeye ndo ananguvu loooh Eeee Mungu utusaidie maana duniani tunayodhiki.

Je unataaluma hiyo?

Ni bora kukaa kimya kama hujui jambo fulani sio kulopoka mwisho wasiku utaonekana huna maana.Wakatimwingine unakuta mtu mishipa imemtoka kuongea kitu hata akijui au amesikia tena kwa mtu asiye makini alafu naye anachukua pumba hizo na kubwabwaja ovyo.Ni heri tuongelee kitu tunacho fahamu au tulicho kiona.

Vyombo vya habari na mitandao isiwe sehemu ya kuonyeshana ubabe

Vyombo vya habari au mitandao ya kijamii vitumike katika kuiendeleza jamii si vinginevyo.Watu wanatumia vibaya vyombo hivi kudhalilishana na kukebehiana.Badala ya kuombana msamaha inapo bidi lakini mnatupiana maneno sijui mnaona sifa afu mtangazaji sijui anajisikiaje au ndo kushuka kwa maadili.Sio kila mtu anafurahi kujibizana kwenu.Ebu tubadilike 

Mpaka lini tutakuwa kichwa cha mwendawazimu

Kila kitu sisi tunasuasua sio michezo,siasa,elimu wala sanaa.Tatizo kubwa ni kujuana na kuacha majembe ambayo yangesonga mbele katika nyanja za kimataifa.Utakuta mtu akianzisha kitu kizuri anasongwasongwa mpaka anakata tamaa.Hata tuzo tunapeana kwa kujuana na kusababisha kutosonga mbele.

Mungu ibariki nchi yetu.

Nani mtetezi wa wanyonge

Looh inauma napoona wanyonge tunaonewa.Kuna mambo mengi tunashindwa kupata kulingana na kipato chetu.Nguvu ya uma imekuwa hadithi katika nchi zetu.Ila kinachotuponza ni uelewa mdogo miongoni mwetu.Kuna kero nyingi sana kitaa ambazo zinashindwa kutekelezwa na viongozi wetu cha ajabu bado tunaendelea kuwachagua.Kama mtu ameshindwa kutekeleza ahadi zake bila sababu za msingi apigwe chini.

Hasira

Naamini wanadamu wote tuna hasira.Ivi kuna mtu akifinywa anaweza akawa anacheka? badala ya kugugumia maumivu.Kama sio basi ndo tulivyo umbwa .Ila utakuta baadhi ya watu wanajiona hawana hasira ki ukweli tumepishana kiwango katika kuidhibiti hiyo hasira.

MAFANIKIO

Ili kupata mafanikio ni lazima kuzingatia  kujitambua.Watu wengi wanashindwa kufikia mafanikio kwa sababu hawajui haki na wajibu wao wa msingi.Kwa hiyo ni lazima tufahamu sisi ni nani tunahaki gani katika jambo tunalolifanya kama ni mwanafunzi,mwalimu,mfanyakazi,mjasiriamali au mfanyabiashara.Ndio mambo yakuzingatia hayo sio unasitata au kuogopa kwenye haki yako.Vilevile chochote unachofanya fanya kwa moyo wote kwa asilimia mia moja mpaka wote wakubali kuwa umefanya yako..

UVAAJI HUU HATARI

Uhuru unapozidi unapelekea majanga mabaya binafsi au kwa jamii..Pitapita za kitaa zimefanya nikutanane na madada zetu mavazi wanayo vaa aibu..Unakuta dada wa ukweli ila mavazi anayo vaa ki ukweli kwa wenye maadili mema tunaona ni kujiabisha bila kujua maskini anaona katokelezea..Nani kasema ukivaa mini sketi,taiti au kuacha maungo yako ndo ujanja..Haahaa ila hawajui kwamba kizuri chajiuza na kibaya cha jitembeza..Hamna shaka jitembezeni tu ila sijui kama mtu makini kama atapenda kuoa dada wa aina hii..

TUFUATE UTARATIBU..

Wakati mwingine nakereka sana.. Utakuta mtu kwenye mtandao wa kijamii  eti anaandika inrelationship ina maana gani  sasa tena anakuacha njia panda bora kidogo aandike inrelatioship with somebody kiasi fulani ina mantiki.Ila bora zaidi kuandika Engaged au married.

HAPO TUTAENDA SAWA..

HIVI DUNIANI HAPA TUPO KWA KUSUDI GANI??

Kila nikijiuliza kusudi la kuepo duniani napata kigugumizi .Je tumekuja kujitesa au kupingana na maumbile halisi ya kibinadamu..Ndio kwa sababu vitu vizuri vingi ni haramu au wanasema anasa.Kwa mifanano Moja ni pombe hii inapendwa na baadhi ya jamii na ni sehemu ya kiburudisho kwao;Pili ni Wanawake/Wanaume hawa wanapingwa sana ila unatakiwa kuwa naye mmoja hasa baada ya ndoa na Tatu Chakula unakuta watu wanajinyima kula eti wamefunga..

Lakini baadhi ya ivyo vina leta maana Mfano POMBE kiukweli ukizidisha pombe lazima utafanya mambo ya ajabu nakukusababishia Majuto; na Pili Wanawake/Wanaume kimsingi tukiwa waaminifu kwa kuwa na mke/mme mmoja tutaishi kwa amani na kujiamini ila ukienda tofauiti tuu inakula kwako mara eeh kaswende ,gonorhea mbaya zaidi UKIMWI.Ila hata kula kwaweza sababisha madhara mfano baadhi ya vyakula watu wana aleji navyo.Ndo maana katika uzima wa milele hakuna kula wala kunywa.

HAAAA KILA KITU DUNIANI KINAMAKUSUDI YAKE.

BINADAMU TUSHIRIKIANE.

Wakati mwingine sisi binadamu ni waajabu sana.Badala yakufikilia maisha haya tutafanyaje yawe nafuu kwa kila mtu lakini unakuta mtu anapindisha tu eti kwa kulinda itikadi zake.Dunia mapito jombaa tushirikiane kama mchwa tufike lengo..Maana utanicheka mimi leo kesho yanaweza mkuta ndugu,rafiki au kizazi chako mwenyewee..

VIJANA MUWE MACHO....

Hii ni kwa  vijana;

Kumbukeni kuwa wakati wa ujana ni wakati muhimu sana katika maisha ya  binadamu na ujana ukipita haurudi tena kamwe. Wakati wa ujana ndiyo wakati ufaao kwa ajili kujikusanyia elimu,mafunzo na taaluma mbalimbali zilizojazana chini ya jua letu.Vijana mnapaswa kutumia nafasi na nguvu zote kwa ajili ya kutimiza mambo yaliyotajwa hapo juu na kamwe msidanganyike na tamasha la ulimwengu ambalo linapita mithili ya tamithiliya.

Kila siku inayoitwa siku mpya machoni pa binadamu  ni siku mpya kwa maendeleo ya sayansi na  teknolojia yake  ambayo waathirika wake  wakubwa ni vijana kutokana na uwezo wenu wa kupokea na kuhifadhi maarifa mapya kwa haraka na kwa ufanisi mkubwa.

Wosia wangu kwenu  ni kuendelea kutumia nafasi hiyo kwa manufaa yenu; familia zenu  na maisha yenu ya kila siku. Jiandae  katika kutambua hatari zinazowakabili maishani.


Enyi vijana wa kike na kiume  tumieni mitandao kijamii kwa ajili ya kujipatia manufaa za kielimu, biashara na uchumi kwa ujumla wake na  si uwanja wa kuchokoza hisia za kimapenzi  ili kujiepusha na ngono za ujanani zinazoambatana na maambukizi ya magonjwa ya zinaa chini ya hitimisho la kifo cha mapema.

---

WAHENGA WALISEMA

Kuishi kwingi kuona mengi... Kila siku binadamu maarifa yana ongezeka..So tueshimiane sana sio unamuona mwenzako unamchukulia hopeless hasa mtu haumjui..